♥♥♥♥♥هل يوجد كرامة فى الحب؟♥♥♥♥♥
* من قال ان لا كرامة فى الحب فان الغلط راكبة من ساسه لراسه لأن الحب يُبنى على الاحترام و ان الشخص يكون لديه كرامة مش تيجى واحدة تضرب خطيبها و بعدين هو يقول لا كرامة فى الحب أو ضرب الحبيب زى اكل الزبيب و الكلام الفاضى ده او هى تجرى وراه و تقوله ابوس ايديك اتجوزنى و تقول لا كرامة فى الحب , كلام كله غلط فى غلط .
*و تقول (م.رِ) انا تعودت منذ الخطوبة انى اهزر مع خطيبى ( زوجى حالياً) بالضرب من باب ال (joke) وهو كان يصمت بل يضحك حتى بعد الزواج , و فجأة ابتدأ يضربنى و حتى بدأت المشاكل الكبرى و بدأ يضربنى بالحزام و اُهنت كثيراً حتى وصلت اننى رفعت قضية خلع و انا مطلقة منذ سنتين.
*و قالت ( ن.م)انا كنت بهزر مع خطيبى بالضرب و المقالب الجامدة جداً التى لا يستحملها احد و كان يضحك فهذا افقدنى احترامى له فأفسخت الخطوبة و انا عارفة انى عايزة (اتسك)على دماغى علشان انا مبجيش بالحنية.
* و قالت ( م . ع) انا بقى حكايتى حكاية و كل ما افتكر اللى انا عملته بضحك و انا فى الجامعة كنت بحب زميل ليا فى الجامعة الاول كانت نظرات فقط لمدة 3 شهور لم استحمل ذهبت اليه و قلت له بالنص لم انسى حتى الآن ما قلته له ( انا بحبك و اوعى تقول انك مبتحبنيش احنا دلوقتى نرتبط ببعض ارتباط غير رسمى و بعد كدة تيجى تطلبنى من بابا عشان ندرس اخلاق بعض عشان منفسخش الخطوبة ) قالى اوك و ماشى و انا اللى كان نفسى اتقدم بالخطوة دى لكن مفرقتش و هو اصلاً كان شكله مبهدل (انا عارفة كنت بحبة على خيبة ايه)المهم مكنش بيتصل بيا خالص و لو شافنى فى الجامعة من غير ميعاد كأنة مشفنيش و كنت برنله 200 مرة فى اليوم و ابعتله 50 رسالة و هو ميعبرنيش برنة و فى الاخر قاللى احنا مننفعش لبعض بعد متصاحب على بنت تانية انا متصدمتش اوى لأنى اصلاً مكنتش بحبه الحب الحقيقى دة كان وهم و عرفت ان هو كان بيتسلى بيا و لقى صيدة سهلة و واحدة جاية تقله بحبك هيقولها ايه يعنى و كان كمان نفسه يحس احساس ال boy friend اللى عندة girl friend و خلصت الحكاية بس بجد كل ما افتكر اضحك اه الهبل ده , دة مكنش فيا اى كرامه.
&& من رأى انا و بعد ما حاورت هؤلاء الفتيات ان الكرامة اهم شئ فى الحب يجب ان اللى بيحبوا بعض يكونوا بيحترموا بعض و عايزة اشوف ردودكم و اه رأيكم فى عبارة "الكرامة و الاحترام وسيلتان لتتحقق السعادة بين الطرفين" لو عجبكم الموضوع ممكن انزل موضوع كل اسبوع اتكلم فيه عن موضوع انتم حابين تتكلموا فيه و هاجيب ناس تحكى تجاربها فى الموضوع و مش لازم مواضيع عن الحب ممكن عن اى حاجة تانية .
موضوع: لا كرامة فى الحب !! هل هى عبارة صحيحة؟؟ 
الأحد يناير 23, 2011 4:22 am
