هل الحب الحقيقى موجود؟؟

السلام عليكم ورحمة الله وبركاته

موضوع بصراحة فى دماغى من فترة وعاوزة اتكلم فيه ونتناقش

هل الحب الحقيقى موجود ؟؟؟ ولا لا ؟؟

ليه الحب بئى سهل جدا على الناس او على الشباب بالاصح

ومش بئى فى اسهل من كلمة بحبك وبهواكى

ليه طالما مش بنحب نقولها ونجرح

هو الحب بئى لعبة ولا تسلية ولا تضييع وقت ولا ايه بالظبط

والقلوب لعبة فى ايد الكتير

ده يحب واحدة ويقرر يسبها مع اول واحدة تقوله محتاجلك او بحبك او تكون اجمل من الاولى

وتلاقيه فى ايام بيقول بحب فلانة ص طيب ياعم الحج مش انت كنت بتحب فلانة ع

لا ما خلاص انتهى كل شىء بينا وانا بحب فلانة ص وهو انت لحقت

ليه بئيت الحكاية لعبة وتسلية

وليه مش بنخاف على شعور الاخرين وقلوبهم اننا نجرحهم ؟؟؟ ليه الانانية

وفين الحب بتاع زمان روميو وجولييت وعنتر وعبلة؟؟ الحب المغلف بالصدق والاخلاص

ليه بئى الحب الحقيقى عملة نادرة