السلام عليكم ورحمة الله وبركاته....
تحياتي لجميع الاخوة والاخوات...نظرا إنه هادي المشكلة واجهتني وانا بركب dvd drive والحمد للله انه انحلت حبيت أنقل إلكم الحل منشان الكل يستفيد إن شاء الله
اتبعوا الخطوات التاليه وهيي كتير سهله ....
1) أول شي لازم تفصلوا الكهرباء عن الكومبيوتر (ضروري تعملوا هادا الشي بلا ما تتكهربوا وتحكوا إسلام ما حكتلنا )
2) بعدين بتشيلوا القطعه الي بينحط فيها drive كما هو موضح بالشكل ...طبعا بتفتحوا الكومبيوتر
3) هلا هيي أصعب خطوه انه تعملوا set للدرايف الي عم تنزلوه (هادي الخطوه إذا كان عندكم أكتر من درايف مثلا cd drive and dvd ) ... وفي شغلة والي هيي بتتسمى بjumpers وهادي الطريقه الي بنحدد فيها master and the slave وإلي بقصد فيها انه مين القائد والي بيتبعه وما بيصير انه الإتنين يكونوا ماستر او الإتنين يكونوا slave ومنشان هيك ما بيشتغل الكومبيوتر... وبيتم متل ما الصوره موضحه إلكم ...ويفضل انه الدرايف الأسرع والأقوى هوي الي يكون master
وهادي صوره توضيحيه أكتر...
هلا كيف بنعرف master و slave
الماستر بتكون القطعه البلاستيك أول شي متل ما هوي موضح بالصوره ...
اما slave فالقطعه البلاستيك بتكون بالنص...
4) وبعدها بتقوموا بتدخيل الدرايف بمكانه...
5) بعدين بتحطوا براغي وبتثبتوا الدرايف بمكانه...
6) هلا بيكون في الكومبيوتر وصلة الأولى اسمها وصلة الطاقة... والتانيه وصلة IDE
6) بتوصلوا كل وصله بمكانها...
7) وفي النهايه بتقوموا بإغلاق جهاز الكومبيوتر ... وطبعا الكومبيوتر بيقوم بالتعرف على الجهاز لما تفتحه...
وان شاء الله بيكون شغاااااااااااااااااااااال.... وهادي هيي هدية العيد مني
وكل عـــــــــــــــــــــــــــــــــام وإنتوا بألف ألف ألف خير يا رب
موضوع: طريقة تركيب cd/dvd driv 
السبت يناير 22, 2011 3:09 am